Pawol Jenès Ayisyèn de K-libr

K-libr Mystik

Haiti need your help, click to see how you can contribute!


Intro

“Message lancé à la Jeunesse” Jenès Ayisyèn (K.O.LABO recordz)

Jodi a nou pot non elèv, demen se nou ki pwal pwan la relèv

Strophe 1

Konbyen vedèt rap tap bay si yo te ankadre talan

Konbyen sèvo lekòl tap bay sil te fèt nan yon sèl lang

Nou paka fin konte konbyen jèn ki echwe n’bay par an 

A qui la faute? Eske n’ka di se Leta oubyen paran

Depi m piti yo fèm konpwann fòk m’al lekòl poum reyisi demen

Se depi, m’pwan liv kayem plim kreyon mwen ak de men

Erezman m te konn panse, koz efò m pa rekonpanse

Chak fwa m panse m fonw avanse, se wè mwen wè m rekòmanse

Sosyete ap tann la fen poul mandew saw te fè

Sanl pat edew, li pa menm bezwen konn ki janw pwal fè.

Gen jèn ki gen talan pou yo ta selèb kou Rihana ou Chris Brown

Nan spò genyen k’pi rèd ke Messi e James Lebron

Malerezman se nan lari a yo jwenn vedetarya

Sak gen diplòm lisans men yap pouri nan proletarya

Travay pou patwon mafya kap bwè fòs yo kou tafya

Paran yo pèdi pari a, Leta pwan yo pou paria

Refren

Ayiti pa tè leta,

Se paske n aksepte viv san leta

Ki fè nou retrouve nou nan yon tèl eta

Se peyi sou latè ki plis anreta

Ak yon jenès kap fin deperi

Jodi a pyès moun paka palem de peyi

Kap fòme ki ayisyen pou ki Ayiti

Repons lan nou pap ka jwenn li nan patipri

Strophe 2

Nan mitan jèn yo sak plis anvòg se pwan pòz thug

Pèdi nan dwòg, bwè gwòg, al glase nan mòg.

Kèk jèn ki reyisi pase ki ka fè kèk grenn dola

Ap pike devan san l pa fè sousi pou sak nan do l la.

Nan mitan nou la jenès yo fèn pèdi vizyon

Nou kite yo mete nan plas lapè divizyon

Politik la konpwann sosyo-ekonomikman fòs nou

Yo met ase baryè pou fèn pa ini fòs nou

Malgre kont syans politik fè nèg yo pèdi konsyans

Nan yon sans nan tèt nou yo fè nou pèdi konfyans

Nan plas lekòl yo bann ase bagay pou distrèn

Diskisyon sou fanm, rap, Basket, Football jis plèn.

Lespri ti medam nou yo merite foubi

Koz tele fin sal li ak Marina e Ruby

Bèl kounyaa pou yo tounen yon metye

BBM, Facebook, Badoo, pou yo se koutye.

Strophe 3

M pa janm wè yon peyi k devlope san klas mwayèn

Jenès an Ayiti n’reprezante plis ke lamwayèn

Jèn se rasyon nouvèl jenerasyon

Ki pou jenere aksyon k pou fè venere nasyon

Nou se 5 dwèt nan yon sèl men k’reyini pou tire yon kout pwen

Se jèn nan tout kwen ki dwe leve kanpe nan tout pwen

Poun di nou pa vle on lekòl kap fonksyone a 4 vitès diferan

Kap pwodwi andikape sosyal ki pwal met dife nan

Yon sosyete k’te déjà pa menm gen ekilib

Nou vle yon peyi k’satisfèn nan tout sans e ki lib

Chanjman an, jan Obama te dil « yes we can! »

Sin sispann sèlman chita bwè kleren chak week-end

Ou menm granmoun ou gen responsablite paw tou

Reyisit oubyen echèk jenès la se paw tou

Lèw fin plante ou dwe sekle wouze pouw jwenn bon rekòlt

Menm jan pou jèn yo fòn ankadre yo bay o bon lekòl.

Outro

Jenès Ayisyèn, Jodi a se nou k’pou fè tande vwa nou

Nou pat mande pou yo te plante’n, ebyen si yo fin fèl, fòk nou egzije pou yo wouze’n

Sekle vye zèb ki anpeche nou pouse, yo dwe pouse nou al devan, se pa pouse nou mete deyò.

Pandan nap revize pozisyonn ak priyorite’n, fòk nou rete konsyan e konfyan.

Saa sonw chanson de victoire et d’espoir.

Musique d’Askaan prod

Paroles de Valckensy (K-Libr Mystik) DESSIN

Maxi-Tape « Mes Tourments » décembre 2012

Production K.O.LABO recordz



Haiti need your help, click to see how!