Pawòl Tankou manman’m de Dug.G

Dug G

Haiti need your help, click to see how you can contribute!


Intro

M’konnen sa map cheche a pa fasil

men m’vle kontinye eseye toujou.

REFREN

tankou manman’m m’bezwen yon fanm

yon fanm ki sanble avèl

tankou manman’m m’bezwen yon fanm

poum tankou papa’m avè’l

tankou manman’m m’bezwen yon fanm

yon fanm m’konnen ki gen fyèl

tankou manman’m m’bezwen yon fanm

yon fanm ki trè natirèl

Verse I

Manman m’vle yon fanm tankou’w fanm m’ap pran an fòk li nan gou’w

fòk se yon fanm ki gen kouraj epi k’ap debat ak raj

ki p’ap pè chache travay menm lè se nan yon faktori

ki p’ap kite’m vay ke vay kanmenm m’ap gen yon pakoti

fanm kap banm valè ki pap bay lòt moun goute’l

fanm k’ap goumen ak mizè san’l pa pèdi diyite’l

m’bezwen yon fanm kou manmanm fanm k’ap fè pitit mwen fyè

se pa fanm kap poste anndan chanm ni nan flannen dèyè barye

yon fanm menm si’l limena men ki pa nan zen makrèl

fanm si l’al sinema se mari’l pouw we avel

fanm ki respekte tout moun e ki pa pè pesonn

se pa sèlman fè bèl moun fòk bote ak kalite konfonn

Verse II

Kou manman’m m’bezwen yon fanm si’m nan prizon ki ka ede’m

ki ka blame’m ke’m gen tò oubyen ke’m gen rezon

kou manman’m m’bezwen yon fanm

ki pap imilye’m si’m t’a malad oubyen razè

si’m revoke oubyen ke’m nan mizè

fok fanm m’ap pran an l’gen pasyans pou’l tann yon pi bon jou

se pa yon fanm ki san konsyans ni kap fèm fè joujou

kou manman m fòk li gen afeksyon nan bon ni move tan

se pa fanm si’m rate yon okazyon k’ap chanje’m nan dezyèm mitan

m’bezwen yon fanm plen kalite marye avèk bote

yon byen kalkile byen konte ki ka antre tout kote

m’bezwen yon fanm ki pap fèm wont devan lasosyete

ki pap veye’m tankou mont e mwen renmen libète

Verse III

M’bezwen yon fanm ki pa gen twòp repwòch m’konnen lòm pa pafè

pou kè’l pa di tankou wòch fanm ak de men Bondye fè

madanm pa’m lan dwe yon egzanp pou tout fanm bò lakay

tankou anpoul tankou lanp limyè pou’l ye pou kay

ak fanm mwen pral remarye a fòl merite sa

se pa fanm kap fè’m pran kriz la tout bon m’ta swete sa

fason m’pale gen moun ki di genlè ke’m pèdi tèt

m’bezwen yon fanm ki pa pè redi di kou manman’m Margarette

sa map di la yo pa vle di ke’m vle yon fanm san defo

men m’ap redi pou’l gen plis vrè pase kote ki fo

m’bezwen yon fanm lè’m an danje ki kapab kenbe men’m

pou’m soti k’ap edem naje m’ap renme’l l’ap renmen’m

Outro

Margarette m’renmenw anpil

ou banm anpil bon egzanp, e’m fye de ou

I love you man

Haiti need your help, click to see how!